Спеўны сход: «Полацкі сшытак» і «Куранты»
Узоры старадаўняй беларускай песні
«Полацкі сшытак» і «Куранты» – два каштоўныя зборнікі музычнага мастацтва, якія даюць уяўленне пра беларускую старажытную музыку.
«Полацкі сшытак» ёсць рукапісным зборнікам беларускай музыкі XVII стагоддзя, складзеным у вёсцы Астрамечава на Берасцейшчыне. Ён уключае больш за 60 вакальных і інструментальных твораў з выразнай стылістыкай барока, мясцовыя напаўфальклорныя традыцыі спалучаюцца ў музыцы зборніка з італьянскімі і французскімі ўплывамі. Песенныя і танцавальныя творы блізкія да стылістыкі кантаў і псалмоў. Тэксты ў ім напісаны на старабеларускай, стараславанскай і лацінскай мовах.
«Куранты» – зборнік кантаў 1733 года на славянскіх мовах, частку якога складаюць беларускія песні. Тэматыка твораў выключна свецкая, што даволі рэдкая з’ява для гэтага часу. Большую частку зборніка займае любоўная лірыка, але сустракаюцца бытавыя, застольныя і жартаўлівыя сюжэты. Як мяркуецца, творы пераважна старэйшыя за сам зборнік, бо ён складаўся шляхам перапісвання.
Сшытак «Куранты» – кант «Чэраз рэчку»
Ансамбль старадаўняй музыкі «Кантабіле» і Спеўны Сход
Свабодныя рухі – свабодны спеў!
«Полацкі сшытак» – канцона «Гануся-сардэнька»