Палескі Спеўны сход
Песні беларускага Палесся
Палессе – гісторыка-этнаграфічны рэгіён, які ахоплівае поўдзень Беларусі, а таксама прылеглыя тэрыторыі суседніх краін: Украіны, Польшчы, Расіі. Гэтыя землі выклікаюць вялікую цікавасць для аматараў фальклору. Праз сваю ізаляванасць і адасобленасць, а таксама праз цяжкадаступнасць многіх населеных пунктаў у ранейшыя часы, тут захавалася багатая самабытная культура. На Заходнім Палессі таксама захаваліся значна адрозныя ад літаратурнай мовы заходнебеларускія гаворкі, пераходныя паміж беларускай і ўкраінскай мовамі.
Спеўны сход прысвечаны песеннай спадчыне рэгіёну.
Абрадавая песня
«Пастушкі поюць» (вэсна)
Фальклорны гурт «Чабатухі» (вёска Сташаны, Пінскі раён)
«Ой, там за гаем зеляненькім»
Фальклорны гурт «Вытокі» (вёска Дзятлавічы, Лунінецкі раён)
Песня да абраду «Ваджэння куста»
Фальклорны гурт «Вытокі» (вёска Дзятлавічы, Лунінецкі раён)
Песня з палескага альбома гурта «Vuraj» – «Шось у лесе»
Спеўны сход з палескім гуртом «Таняжанка»
(фестываль «Камяніца – 2018)
Гурт «Церабяначка» на Спеўным сходзе з Сержуком Доўгушавым, песня «Ой, шчэ гэто за вэрба»
На самым першым Спеўным сходзе ў Берасці спявалі менавіта палескія песні, ён быў прысвечаны Фёдару Клімчуку – вядомаму дыялектолагу і даследчыку Заходняга Палесся. Сход прайшоў пад кіраўніцтвам Аляксандры Гушчы і Сержука Доўгушава. Калектыў сясцёр Лук’яновіч з вёскі Леснікі Драгічынскага раёна вучыў сход спяваць песні, запісаныя навукоўцам у яго родных Сіманавічах