Выйду я на двор – бычкі бушуюць (юр’еўская)
Выйду я на двор – бычкі бушуюць,
Юр’я, Юр’я, бычкі бушуюць*.
Бычкі бушуюць, мо весну чуюць.
Рэчкі загулі, лёды паплылі,
Ў зелёных лугах кветкі зацьвелі.
Выйду, малада, кветкі зьбіраці,
Кветкі зьбіраці, веночкі віці,
Веночкі віці, Юр’я сьпеваці.
* Рэфрэн «Юр’я, Юр’я» паўтараецца пасля кожнага радка з другім яго паўвершам.
Зап. Л.Ф. Касцюкавец у 1975 г. у в. Ананчыцы Салігорскага раёна ад Вольгі
Пажыган, 1921 г.н., Лідзіі Міхнавец, 1928 г.н., Таццяны Міхнавец, 1927 г.н., і
Матроны Міхнавец, 1930 г.н.