Вясельныя ПЕСНІ
Не маракуй, мая матачко
(спяваюць, калі маладыя вяртаюцца з вянца)
Не маракуй, мая матачко,
Што я позно спазнілася.
Што я позно спазнілася,
З полдарогі станавілася.
З полдарогі станавілася,
Бо не было ксендза дома.
Бо не было ксендза дома,
Паехаў ксёндз да Малінова.
Паехаў ксёндз да Малінова
Пшанічаньку прадаваці.
Пшанічаньку прадаваці,
Ключыкі купуваці.
Зап. Т.Б.Варфаламеева ў 1992 г. у в. Морач Клецкага раёна ад Марыі Полагавай, 1934 г.н., і Ганны Сасіновіч, 1926 г.н.